Tempu di pisatina

TEMPU DI PISATI’NA

Tempu di pisatìna
tempi di ‘na vota,
quannu la fami e lu pitittu,
cumpanaggiu di lu pani schittu,
tuppuliavanu pi li casi du paisi
tutti li jorna d’ogni misi.
Vuccuzzi aperti pi sbadigghi
vasati di matruzzi a li so figghi;
‘ntra li jazza di pagghia
junciuta durmiva la famigghia.
Gira lu munnu supra di ‘na rota
cunta e si ricunta: c’era ‘na vota.
Storii di fascinu, ricchi di misteru,
c’a tempi d’oggi nun parinu mancu veru;
ma ju ca fuvu e c’eru
sulu ‘na cosa vi vogghiu ricurdari:
la ricchizza un su li sordi e lu manciari,
è l’amuri, l’amuri veru ca nasci di lu cori.

(Visto 37 volte, 1 visite oggi)