Lu evanceliu

LU EVANCE’LIU

‘Nta stu munnu
semu ‘n prova;
mi lu dici lu evancèliu
ca si bonu mi cumportu,
doppu, beni haiju a truvari.
Lu sò diri è lu mè fari,
sulu u doppu ‘un capisci
di ddu munnu sò discrittu,
ca di ‘ntentu fa piccari
tanta genti di sta terra;
pirchì spera di truvari
chiddu beni ca nun havi
‘nta stu munnu.
Forsi è giustu lu sò diri,
ma è lu fari di la genti
ca nun mi cunvinci assai,
soffri e spissu si lamenta
di lu riccu ca cumanna
e nun fa nenti pi canciari
lu mal’essiri ca c’e;
tantu pensa: semu ‘n prova
mi lu dici lu vancèliu,
e liggennu si cunforta
‘nta ddu beni ca idda avanza,
di ddu munnu, quannu mori.

(Visto 33 volte, 1 visite oggi)