A cuscenza

A CUSCENZA

Cercu e chiamu la cuscenza
‘n funnu, ‘n funnu a li mè anni;
e li gjoi e li biddizzi
ca mi passanu davanti,
ora, su dulura
ca mi mancianu la menti.

Lestu sfogghiu
‘nta ddi pagini di vita…,
nenti… sulu: carizzi, prijeri,
madunnuzzi e signuruzzi
ca a lu cumannu
di lu putenti Diu,
lenti comu la morti,
la cuscenza tutta si futtèru.
Quali Diu! Quali Santi!
Sunnu faùli mèi signuri,
ca li putenti si ‘nvintaru
pi nni ‘ncutiri timuri
e la nostra menti a nun pinsari.
Quali richiamu di cuscenza
io facìa,
siddu è la sò vucca,
ora, ca sta a parrari.

(Visto 50 volte, 1 visite oggi)